PANTUN MANDAILING 1

Manangkok tu Roburan
Tarpaida Sorik Marapi
Dung lalu TukuburanBaru
Taraso Milas ni api
....................................
Sipenggeng Aek Latong
Antara nai parkuburan
Indorami songon latong
Saulakon disekso Tuhan
.....................................
Angkola Jae Tu Mandailing
Antara nai Parbatasan
Badanmi disiksa markaliling
Harana dosamu naboratan
......................................
Ipuyu ijuk mambaen tali
Obanon tu Usortolang
Marmantakan halak mangaji
Harana guruna tobang-tobang
....................................
Hutos-tos suhat sada
Tupotpot niurung siala
Hutongos surat sada
Tumopot adikku di bangku sikola
.....................................
Dung Hita Sitarak
Jolo Sitangkis Podom
Dung hita marsarak
Jolo Tangis So tarpodom
....................................
Hancit ni namandurung
Sada-sada incor dibatu
Hancit ni namalungun
Sada-sada ilu madabu
.................................
Siabu Sigalangan
Pasar Tamiang baris pahulu
Siamun Marsijalangan
Siambirang pangapus ilu
..................................
Anggo huboto na harirang
Inda ubaen jadi soban
Anggo huboto da anggi namarsirang
Nada hubaen ho jadi dongan
....................................
Na holong ma baya tu dongan
Holongan dope baya tu tuhan
Na longon ma na onlinon
Longon dope namar jagalon
...................................
Martandang tu purwodadi
Mangubati lunguntinggal dihutaon
Aha maluai nangkan tarjadi
Inda tabo dompak parasoan
.......................................
Sian jakarta tu medan
Maradian di bangka
Mala inda tabo perasaan
Ulang ita mar buruk sangka
....................................
Maradian di pulau bangka
Payakkon boban ijinjang meja
Inda arana buruk sangka
Tai rohaon marsapa-sapa
.......................................
Sian rao tu para-para
Oban doa dohot roa
Mala roa mandung mar sapa-sapa
Patenang ma roha dohot doa
......................................
Ranto natas simare-mare
Maradian di mostafawiah,
Pantas do na tenang di ate-ate
Hape kakak ku dapot musibah
......................................
Mala adong utang angkon di tobus
Anso ulang lek solot-solot di roa
Inda adong guna diau margabus
Harana kata-kata adalah doa
.........................................
Maroban lading tu saba bona
Nadi pahat dot api bakar
Mala dung musibah do goar na
Pabahat ma doa dot sobar
......................................
Marsaba disuan bayuon
Batangi nai martubuan robung
Murmatamba do urasa arsakon
Di hubungan pe nara marsambung
....................................
Na borat ulang ipaborat
Anso mananyang soni
Anso ulang borat
Patenang-tenang ma soni.
....................................
Marulos ulos da ari minggu
Suada naso marsolop di palakpakmu
Ulang be sai olos roamu anggi diau
Harana madung dua ma ison kakakmu
.........................................
Mabiar au manaek ayu jati
Napiongoton doi bonana
Mabiar au manjontik boru suti
Nabahatan disi parsyaratanna
.............................................
Utimba aek di sumur git maridi
Git  marsampo sunsilk tai nadong
Au pe mabiar do au tu boru soti
Gari boru harahap do dongn matobang
................................................
Muda madung kehe ho tu pasar onjap
Ulang ko lupa maroban rabar dohot anyang
Muda ibuatkon ko kahang boru Harahap
Inda aru adong disi obar, na marsianyang
..................................................
Nabahat mada batu ni pining
Sian sibuhuan doi bonggalna
Nabahat ma utanda bujing bujing
Anggo hasibuhan inda dong dope bandingna

Related Post